/2022.04.08/: Сайд нар Монгол, Чехийн уламжлалт найрсаг хамтын ажиллагаанд худалдаа, эдийн засаг, иргэд хоорондын харилцаа чухал үүрэг гүйцэтгэж байгааг санал нэгтэй тэмдэглэхийн сацуу чехийн бизнес эрхлэгчид болон хөрөнгө оруулагчид Монгол улсад хөрөнгө оруулах, хамтран ажиллах эрмэлзэл дүүрэн байгаагаа илэрхийлэв.
Зөвлөлдөх уулзалтын дүнд Чех улсад албан ёсоор ажиллах монголын мэргэжилтэй ажиллах хүчний квотыг нэмэгдүүлэхээр болов. Өнөөдрийн байдлаар манай улсын 11000 гаруй иргэн Чех улсад ажиллаж, амьдарч байгаа бөгөөд чехийн тал жилд 1000 орчим хүнд ажлын виз олгож байна.
Дэд сайд Б.Мөнхжин Монгол Улс, БНЧУ-ын хоорондын Нийгмийн хамгааллын салбарт хамтран ажиллах тухай хэлэлцээрийг соёрхон батлах асуудлыг Чех улсын Парламентаар хэлэлцэж эхэлсэн болон манай улсад ногдох квотыг нэмэгдүүлэх болсныг талархан тэмдэглэв.
Эх сурвалж: ГХЯ
