/2022.04.01/ УИХ-ын нэгдсэн чуулганы баасан гарагийн хуралдаан эхэллээ. Чуулганаар Эрдэс баялгийн салбарын хөгжлийн бодлого, шинэчлэл, авч хэрэгжүүлэх арга хэмжээний талаар хэлэлцэж байна.
Энэ хүрээнд УИХ-ын гишүүд Дорноговь аймгийн Алтанширээ сумын нутагт баригдаж буй жилд 1.5 сая тонн газрын тос боловсруулах хүчин чадалтай үйлдвэртэй холбоотойгоор асуулт асууж, хариулт авлаа.
УИХ-ын дарга Г.Занданшатар:
-Нефтийн үйлдвэр хэзээ баригдах вэ? хэзээ ашиглалтад орох вэ?
УУХҮ-ийн сайд Г.Ёндон:
-Нефтийн үйлдвэр баригдаж байгаа. 2025 онд ашиглалтад орно. Сүүлийн долоо хоногт Энэтхэгээс одоо Алтанширээтэд баригдаж байгаа үйлдвэрлэлийн явцыг хариуцаж байгаа EPC-1 гэрээний компанийн удирдлагууд ирсэн. Мөн хоёр хоногийн өмнө төслийн менежментийн зөвлөх компанийн удирдлага болон эгзим банкны удирдлагууд ирээд ажиллаж байна.
