/2021.08.06/ Чөлөөт бөхийн эмэгтэйчүүдийн 53 кг жингийн хүрэл медалийн төлөөх барилдаанд Б.Болортуяа 14:4 харьцаагаар цэвэр ялж хүрэл медалийн эзэн боллоо.

Түүний өрсөлдөгч болох Камеруны бөх Жосеф Эссомбе нь 23 настай, Африк тивийн долоон удаагийн аварга ажээ.

Манай тамирчин хашир туршлагатай энэ бөхтэй анх удаа барилдсан юм байна. Ийнхүү түүнийг ялснаар Монгол Улс "Токёо-2020" олимпоос дөрөв дэх медалиа хүртэж байгаа юм.

2019 оны ДАШТ-д чөлөөт бөхийн тамирчин Э.Сумъяа мөн түүнтэй барилдаж 14:2 оноогоор цэвэр ялж байсан ажээ.