/2022.03.22/: Украины Ерөнхийлөгч Владимир Зеленский даваа гарагт гаргасан видео мэдэгдэлдээ "Украины боомт хот Мариуполь Оросын цэргийн түрэмгийллийн улмаас "үнс нурам болж" байгаа боловч хот тэсэж үлдэх болно" гэж хэлэв.

Дайны өмнө 450,000 орчим хүн амьдардаг байсан Мариуполь хот гуравдугаар сарын эхэн үеэс эхлэн Оросын цэргийн хүчний байнгын дайралтанд өртөж, орон сууцны хорооллыг ихээхэн сүйтгэж байгааг сансрын зургаас харж болно.

Европын холбооны гадаад бодлогын тэргүүн Жозеп Боррелл даваа гарагт “Мариупольд болж буй үйл явдал бол асар том дайны гэмт хэрэг” гэж мэдэгдэв.

Зеленский хэлсэн үгэндээ Украинчуудыг "эх орноо хамгаалж, ард түмнээ аврахын тулд чадах бүхнээ хийхийг" дахин уриалав.

Хоёрдугаар сарын сүүлээр Оросууд Украин руу довтолж эхэлснээс хойш “Бид маш олон баатруудыг харж байна. Нэгэн цагт жирийн украинчууд, одоо жинхэнэ тэмцэгчид” гэж тэр хэлэв.

Украины удирдагч мөн Украины жирийн иргэдээс гарч байгаа хатуужил, тэвчээр "Энэ үнэхээр болж байна уу" гэмээр "өсч" байна гэж хэлээд "Бид Орост итгүүлэх болно" гэж нэмж хэлэв.

Эх сурвалж: CNN