2021.08.05

Чөлөөт бөхийн +53 кг жингийн барилдаан үргэлжилж байна. Энэ төрөлд манай тамирчин Бат-Очирын Болортуяа Эквадорын бөхийг оноогоор цэвэр (15:5) ялснаар хагас шигшээд шалгаран үлдсэн билээ.

Ингээд шөвгийн дөрвийн тоглолт эхэлж, манай тамирчин Японы М.Мукаидатай хүч үзлээ.

Тоглолтын эхний минутад өрсөлдөгч 1 оноо авлаа.

Эхний үеийн сүүлийн минутад манай тамирчинд торгуулийн 30 секунд өглөө.

Ийнхүү Японы тамирчин ахин нэг оноо авсан юм.

Хоёрдугаар 3 минут эхэллээ.

Болортуяа оноо аваагүй ялагдаж явсан юм:

Мукаидатай түүнийг унагах мэх хийсэн ч Болортуяа унасангүй.

Мукаидатай манай тамирчныг унагаж ахин 4 оноо авлаа.

Сүүлийн нэг минут эхэллээ. Мукаидатай хэдийнээ 6 оноо авсан тул барилдааныг удаашруулах тал дээр анхаарч байлаа.

Мукаидатай манай тамирчны үснээс атгасан алдаа гаргаснаар 1 оноо, ахин Болортуяа мэх хийж 2 оноо авснаар барилдаан өндөрлөлөө.