2021.08.05

Чөлөөт бөхийн +125 кг жингийн барилдаан үргэлжилж байна. Энэ төрөлд манай тамирчин Мөнхтөрийн Лхагвагэрэл Германы тамирчинтай учраа таарч, тун эгзэгтэй онооны үзүүлэлттэй байх үед хоёр оноо авч 6:5 үзүүлэлтээр ялсан билээ.

Ингээд шөвгийн дөрвийн тоглолт эхэлж, манай тамирчин Америкийн залуу бөх Г.Стивенсонтой хүч үзнэ. Өрсөлдөгч бөх өмнөх даваанд олимп, дэлхийн аварга Туркийн Таха Акгюлийг 8:0-ээр хожсон юм.

Тоглолтын эхний үед өрсөлдөгч 2 оноо авснаар өндөрлөлөө.

Онооны харьцаа 2:0-ээр манай тамирчин хожигдож явна.

Хоёр дахь үед манай тамирчин торгуулийн 30 секунд авч өрсөлдөгчдөө 1 оноо алдлаа.

Сүүлийн нэг минутанд Лхагвагэрэл дайрах гэж оролдсон ч Стивенсон хамгаалалт сайтай байлаа.

Сүүлийн 20 секундэд ахин 2 оноо алдаж 5:0 харьцаагаар ялагдлаа.

Тэрээр маргааш болох дагах барилдаанд хүрэл медалийн төлөө өрсөлдөнө.