/2022.03.18/: Европын сансрын агентлаг Оросын сансар судлалын төрийн корпорац болох Роскосмостой хамтран ExoMars роверын нислэгээ тодорхойгүй хугацаагаар зогсоож байгаагаа илэрхийллээ.
Роскосмостой хамтын ажиллагаагаа зогсоох шийдвэрийг ESA-ийн удирдах зөвлөл энэ долоо хоногт Парист болсон хурлаар гаргасан байна.
"Украины эсрэг түрэмгийллийн улмаас хүний амь эрсдэж, эмгэнэлт үр дагавар гарсанд бид гүнээ харамсаж байна" гэж ESA пүрэв гарагт хийсэн мэдэгдэлдээ дурджээ.
"ОХУ-аас сансар огторгуйн шинжлэх ухааны судалгаанд үзүүлэх нөлөөг хүлээн зөвшөөрч байгаа ч ESA нь гишүүн орнуудаас ОХУ-д тавьсан хориг арга хэмжээг бүрэн дагаж мөрддөг" гэлээ.
Оросын сансар судлалын Роскосмос агентлагийн тэргүүн Дмитрий Рогозин "Энэ бол сансар огторгуйн бүх сонирхогчдын хувьд маш гашуун шийдвэр" гэж Telegram хуудсандаа бичсэн бөгөөд энэхүү шийдвэрийг "ичгүүр" гэж нэрлэжээ.
Орос улс энэ судалгааны экспедицийг дангаараа явуулна гэж тэр нэмж хэлэв.
Өнгөрсөн амралтын өдрүүдэд Оросын сансрын агентлагийн тэргүүн Дмитрий Рогозин барууны орнууд Орост тавьсан хориг арга хэмжээ ОУСС-ыг сүйрүүлэхэд хүргэж болзошгүйг дахин санууллаа.
Эх сурвалж: Aljazeera
