/2022.03.04/ Хөвсгөл аймгийн Алаг-Эрдэнэ сумын 6 дугаар баг Хатгал тосгоны “Доод модот булан” гэдэг газар /аймгийн төвөөс хойд зүгт 105 км, Хатгал тосгоны төвөөс зүүн хойд зүгт далайгаар 5 км/-т Хот хоорондын автобус хойд 2 дугуйгаараа мөсөнд цөмөрч суусан тухай дуудлагыг гуравдугаар сарын 03-ны өдрийн 16:12 цагт хүлээн авчээ.

Тус аймгийн Онцгой байдлын газрын Эрэн хайх, аврах салбар, Гал түймэр унтраах, аврах 69 дүгээр ангийн алба хаагчид Мөсний баяр болж байгаа газар буюу “Хүй толгой” гэдэг газраас хөдөлгөөн үйлдэж 5 км замыг туулан очиход иргэн Ж-ийн “Хьюндай” загварын 45 хүний суудалтай автобус “Ашихай” амралтын газраас “Хүй толгой” гэдэг газрын чиглэлд зорчихдоо хориглох тэмдэг байрлуулсан газраар нуурын өрхөнд орж хойд 2 дугуй мөсөнд цөмөрч суусан байсныг 21:54 цагт татан гаргасан.

Тус автобус дотор 15 зорчигч байсан бөгөөд бүгд эсэн мэнд гарсан байна.