/2022.02.14/ Монгол Улс өнөөдрөөс эхлэн гамшгаас хамгаалах өндөржүүсэн бэлэн байдлын зэргийг бууруулж шар түвшинд шилжиж буйгаа албан ёсоор зарласан билээ.

Энэ хүрээнд гадаадаас ирж буй жуулчдад манай улс хилээ нээж байгаа бөгөөд вакцинд хамрагдсан бичиг шаардахгүй болж байна. Харин Монгол Улсад ирэхээс өмнө 72 цагийн дотор өгсөн ПГУ шинжилгээний сөрөг хариу шаардах юм.

Түүнчлэн Гадаадын иргэд монголд байх хугацаандаа вакцинд хамрагдах боломжтой талаар Ерөнхий сайд Л.Оюун-Эрдэнэ хэлсэн юм.