/2022.02.08/: Биеийн тамирын дасгал хөдөлгөөн нь COVID-19-ийн халдвар авах эрсдлийг бууруулдаг гэж Наваррагийн их сургуулийн (Испани) клиникт хийсэн судалгаагаар тогтоожээ.
Дасгал хийх явцад булчинд хуримтлагдсан гормонууд нь SARS-CoV-2 халдвар авах, COVID-19-ийн хүндрэлийг бууруулахаас гадна халдвараас үүдэлтэй үрэвсэл, эсийн үхлийг бууруулдаг байна.
Наваррагийн их сургуулийн клиник, Эмгэг физиологи, хоол тэжээлийн био анагаах ухааны судалгааны төвийн Бодисын солилцооны судалгааны лабораторийн гишүүн Амая Родригес Муруета-Гойена ийм дүгнэлтэд хүрсэн байна.
Түүний бүтээл Испанийн таргалалт өвчин судлалын нийгэмлэгийн (SEEDO) сүүлчийн хурлын үеэр шагнал хүртжээ. "Тарга өвчтэй хүмүүсийн өөх тосны хуримтлалд SARS-CoV-2 коронавирусын илүү олон рецептор байгаа бөгөөд үүнээс гадна эдгээр өвчтөнүүдийн өөхний эсүүд хэвийн жинтэй хүмүүсээс илүү үрэвслийн молекулуудыг үүсгэж байна" гэж мэдэгдэв.
Родригесийн хэлснээр, таргалалт нь "хүнд хэлбэрийн COVID-19-тэй гэж оношлогдсон хүний хувьд хамгийн том эрсдэлүүдийн нэг юм. Дасгал хийх явцад гормонууд (ялангуяа FNDC4 ба FNDC5) нэмэгддэг ба үүнээс гадна биеийн эрүүл мэндэд эерэг нөлөө үзүүлдэг. Олон тооны эрхтэн, эмгэгүүд нь SARS-CoV-2 коронавирусын халдвар, COVID-19-ийн хүндрэлийг бууруулдаг" гэж судалгаанд дурджээ.
Эх сурвалж: Риа
