/2022.01.11/ Улсын онцгой комисс өчигдөр хуралдлаа. Хуралдаанаас гарсан шийдвэрийг УОК-ын нарийн бичгийн дарга Т.Баярхүү, ХӨСҮТ-ийн захирал Ц.Билэгтсайхан нар танилцуулсан юм.

Энэ үеэр ХӨСҮТ-ийн захирал Ц.Билэгтсайхан, "PCR шинжилгээний хариу 24 цагийн дотор гардаг. Үүний дараагаар NGS буюу бүрэн генийн дарааллыг тогтоох шинжилгээгээр яг ямар төрлийн хувилбар вэ гэдгийг баталгаажуулдаг. Нэгдүгээр сарын 6-нд бүрэн геномын дарааллыг тогтоох шинжилгээг хийж дуусган Омикроны зөөвөрлөгдсөн 12 байгааг зарласан. Мөн энэ сарын 9-ны өдөр дотоодын сорьцоос илэрсэн 5 тохиолдол байгааг мэдээлсэн. NGS шинжилгээний нэг хүнд ногдох өртөг 1 сая гаруй төгрөг байдаг. Тиймээс аймаг, орон нутгаас ирсэн эерэг сорьцуудаас түүвэрлэн авч цөөн тоогоор энэ шинжилгээг хийдэг" гэлээ.