/2021.12.22/: Хятадын автомашины мэргэжилтнүүд 40 гаруй алдартай цахилгаан машиныг хасах температурт туршсан гэж MyDrivers 12 дугаар сарын 20-нд мэдээлэв.
Ихэнх загварууд нь БНХАУ-д тийм ч түгээмэл бус Тесла Model Y болон Model 3, Audi e-tron, Volkswagen ID.3, Polestar 2, Porsche Taycan зэрэг дэлхийн алдартай автомашины компаниудын алдартай цахилгаан машинуудыг туршилтанд оруулжээ.
Туршилт хийхээр Өвөрмонголын бүс нутгийг сонгосон байна. Цахилгаан машинуудыг 100% цэнэглэсэн бөгөөд шөнийн турш орхисон байна. Үүний дараа машинуудыг нэг зорчигч, нэг жолоочтой хэмнэлттэй горимд ажиллуулсан ба халаагчийг -24 градусын температурт асаасан байна.
Ихэнх цахилгаан машинууд эрчим хүчээ 40-60%-аар алдсан нь тогтоогдсон байна. Туршилтын дараа Хятадын Weilai EC6 цахилгаан машин хамгийн хол зайд жолоодож чадсан бөгөөд паспортын дагуу 615 километрийн эрчим хүчний нөөцийн 54.8 хувийг хадгалжээ. Хувиар нь авч үзвэл хамгийн сайн үр дүнг Хятадын Wuling Hongguang Mini EV цахилгаан машин үзүүлсэн бөгөөд энэ нь стандарт 170 км-ийн зайн 60.7 хувийг эзэлжээ.
Алдартай үйлдвэрлэгчдийн үр дүн илүү муу байсан. Tesla Model Y 47%, Tesla Model 3 - 42.8%, Audi e-tron - 58.6%, Polestar 2 - 48.2%, Porsche Taycan - 54.6%, Volkswagen ID 3 - 38.9% -ийн эрчим хүчээ хадгалж үлджээ.
Эх сурвалж: rossaprimavera
