/2021.12.2/ Байгалийн түүхийн музейн талаарх "Нурангиас үлдэгсэд" үзэсгэлэнг энэ сарын 06-ны өдөр буюу ирэх даваа гарагт зохион байгуулахаар болжээ.
Үзэсгэлэнг Urban citizens forum зэрэг хэд хэдэн байгууллагаас зохион байгуулж байна. Зохион байгуулагчид: "Байгалийн Түүхийн музейн "гэгээн дурсгалыг" хүндэтгэн, соёлын өвөө дурсан, ахиад ийм балмад үйлдэл гаргахгүйн төлөө "Нурангиас Үлдэгсэд" үзэсгэлэнг 12 сарын 06-ны өдөр гаргах гэж байна" хэмээв.
Үзэсгэлэнд музейн нуралтаас үлдсэн зүйлс, иргэдийн эсэргүүцлийн сэтгэгдлүүдийг нийтэд дэлгэх ажээ.
Үзэсгэлэн Peace mall-ын 17 давхарт болох юм.
Эргэн сануулахад,
- Байгалийн түүхийн музейн барилга нь 1954 онд баригдсан
- 1992 оноос Байгалийн түүхийн музей нэртэй болсон
- 2013 оны зургаадугаар сараас үйл ажиллагааг нь зогсоосон
- Музейн барилгыг 2015 онд Улаанбаатар хотын түүх, соёлын үл хөдлөх дурсгалын бүртгэл мэдээллийн санд “Архитектурын дурсгал” гэдгээр Соёлын өвд бүртгэлд багтаасан
- Засгийн газраас Байгалийн түүхийн музейг Их тэнгэрийн аманд барина хэмээж, харин хуучин газарт нь Чингис хааны музейг барих шийдвэрийг 2019 онд гаргасан
- Засгийн газрын “Нийслэлийн соёлын өвийг нураах” 280, 281 дүгээр тогтоолыг хүчингүй болгох Захиргааны хэргийн анхан шатны шүүхийн урьдчилсан хэлэлцүүлэг аравдугаар сарын 21-нд болсон. Музейн барилгыг нураах тендерийг шүүхийн шийдвэр эцэслэн гарах хүртэл түр түдгэлзүүлсэн
- Байгалийн түүхийн музейн барилгыг 2019 оны арванхоёрдугаар сарын 9-ний өдрийн 21.00 цагт нураав.
