/2021.12.01/ Нэр бүхий П, Б нарын этгээдүүд нь энэ оны долоодугаар сарын 1-ний өдрөөс арваннэгдүгээр сарын 15-ны өдрийн хугацаанд ... аймгийн нутаг дэвсгэрт хууль бусаар ашигт малтмал олборлож, эрүүл байсан 5.3 га орчим талбайг ухаж сэндийчжээ.

Тухайн иргэд олборлосон алтаа ченж нарт худалдан борлуулж гэмт хэргийн замаар олсон хөрөнгө, мөнгөөр үл хөдлөх хөрөнгө, эд зүйлс худалдан авч мөнгө угаасан байж болзошгүй байна. Мөн хууль бусаар ашигт малтмал хайх, ашиглах, олборлох гэмт хэрэг үйлдсэн хэргийг Эрүүгийн цагдаагийн алба илрүүлж холбогдох мөрдөн шалгах ажиллагааг явуулж байгаа аж.