Бидний дотны нөхөр Ганхуягийн Шийлэгдамба нь 2021 оны 11 дүгээр сарын 02-ны өдөр өвчний учир таалал төгсөж, гэр бүл, үр хүүхэд, ах дүү төрөл төрөгсөд, найз нөхөд бидэнд нөхөж баршгүй хүнд гарз тохиолоо.
Г.Шийлэгдамба нь 1975 онд Өвөрхангай аймгийн Баян-Улаан суманд төрсөн. 1996 онд гадаад хэлний “Цог” дээд сургууль, 1997 онд ИБУИНВУ-ийн Лондон хотын “Center London” коллеж, 1998 онд Удирдлагын институт, 2004 онд Голландын Мастрихтийн их сургууль, 2008-2010 онд Австрали улсын Melbourne хот дахь "Charles Sturt University" тус тус төгссөн шилдэг боловсон хүчний нэг байлаа.
Г.Шийлэгдамба нь 1997 онд "Баянговь" ХХК-ийн захирал, 2000-2004 Аялал жуулчлалын газрын дарга, 2004-2007 Зам тээвэр, аялал жуулчлалын дэд сайд, 2007-2008 онд Байгаль орчин, аялал жуулчлалын сайд, 2012-2015 онд МАХН-ын Ерөнхий нарийн бичгийн дарга, 2014-2016 онд Эрүүл мэнд, Спортын сайд, 2018-2020 онд Өвөрхангай аймгийн МАХН-ын дарга, 2018 оноос өнөөдрийг хүртэл "Эх нутаг" ТББ-ийн тэргүүнээр ажиллаж байсан юм.
Талийгаачийн эгэл даруу, хүнлэг нөхөрсөг зан чанар, элэгсэг дотно дүр төрх нь бидний зүрх сэтгэлд үүрд хоногшин үлдэх болно.
Найз нөхөд нь
