/2021.11.01/ Цар тахлын улмаас хил хаасан учир зарим төрлийн эм, эмнэлгийн хэрэгсэл тасалдсан. Энэ талаар ЭМ-ийн сайд тайлбар өглөө.

Эрүүл мэндийн сайд С.Энхболд, "ЭМЯ-наас эмнэлгүүдэд 1-2 сарын нөөц бүрдүүлэх даалгавар өгсөн байсан. Тиймээс одоогийн байдлаар эрүүл мэндийн тусламж үзүүлдэг байгууллагуудад эм, эмнэлгийн хэрэгслийн хомстол үүсээгүй байна.

Эм, тарианы хомстол үүсэхээс сэргийлж Тяньжинд саатсан эм, эмнэлгийн хэрэгслийг яаралтай татан авах, зөвхөн Эрээн боомт гэлгүй Жинин болон бусад агаарын боомтоор нэвтрүүлэхээр ажиллаж байна. Мөн БНСУ-аас тээвэрлэх ажлыг зохион байгуулж байна.

Энэ сарын 1, 2, 3-ны өдрүүдэд Инчеоноос ирэх онгоцоор тодорхой хэмжээний эм, эмнэлгийн хэрэгслийг тээвэрлэж авчирна.

Дуслын шингэн буюу “Натри” тасарсан гэх мэдээлэл байна. Манайх хэрэглээнийхээ 70 орчим хувийг хангадаг дотоодын үйлдвэртэй. Одоогоор тасалдал, хомстол үүсээгүй байна. Одоогийн байдлаар дуслын шингэний 14 хоногийн нөөцтэй байна.

Мөн тариур, дуслын систем, зарим шингэний түүхий эдийг татан авах ажлыг зохион байгуулж байна" гэлээ.