/2021.10.07/ Нийслэлийн Засаг дарга бөгөөд Улаанбаатар хотын захирагч Д.Сумъяабазарын өгсөн үүргийн дагуу СХД-ийн 42 дугаар хороо Зүүнсалааны эцсээс хойш 2.2 км шинээр тавигдсан замын гэрэлтүүлгийн ажил дуусжээ.

Автозамын гүйцэтгэгч байгууллага, гэрэлтүүлгийн ажил гүйцэтгэсэн ААН, дүүргийн гэрэлтүүлгийг хариуцагч "Филипс гэрэлтүүлэг" ХХК-г байлцуулан цахилгаан тоноглолуудыг хүлээлцэж буруу холболтыг цаг орчим ажиллан зассан байна.

Нийт 59 гэрлийн шонгоос асахгүй байсан 1 шонг засварлаж, 2 цахилгааны самбарыг цоожлох ажлыг нэмж үүрэг болгон цаашид ашиглалтыг "Филипс гэрэлтүүлэгт" ХХК-д хариуцуулжээ.

Энэ үеэр 100 орчим метр замд автозамын хашлага суурилуулах ажил хийж, шуурхай дуусгахыг үүрэг болголоо.

Эх сурвалж: Улаанбаатар хотын Захирагчийн ажлын алба