/2021.10.06/: Монголын Үндэсний Паралимпийн хорооноос Монгол улсын үндэсний шигшээ баг, тамирчид хэрэглэх нэн шаардлагатай тоног төхөөрөмжүүдийг Спортын анагаах ухаан, эрдэм шинжилгээний төвд гардуулан өглөө.

Энэ төхөөрөмж нь тамирчны булчингийн үйл ажиллагааг хянах, жигд хөгжүүлэх, ялангуяа дээд болон доод мөчний ажиллах хүчийг нэмэгдүүлэхэд чухал ач холбогдолтой бөгөөд компьютерийн программтай хослон ажилласнаар булчингийн ажиллах чадварын мэдээллийг цуглуулах, боловсруулах боломжийг олгож байгаа нь параспортын төрлүүдээр хичээллэж буй хөгжлийн бэрхшээлтэй тамирчдын хувьд өндөр үр дүнтэй төхөөрөмж юм. Мөн Xebex Air Rower 2.0 төхөөрөмж дээр бэлтгэл хийж, сорил шинжилгээ өгснөөр пара спортын төрлүүдэд олон улсад өрсөлдөх тамирчдын оролцох ангилалыг урьдчилан тодорхойлох боломж бүрдэж байна.

Эх сурвалж: МПХ