/2021.10.06/: Монгол Улсын Засгийн газрын санаачилгаар цахим үндэстэн болох зорилтыг тавин ажиллаж байна.

Энэхүү санаачилгын хүрээнд үндсэн 6 зорилтыг тавьсан бөгөөд энэхүү зорилтуудын нэг болох яамдуудын үйлчилгээг цахим хэлбэрт шилжүүлэх ажил ахицтай урагшилж байна.

Үүний нэг болох Газар зохион байгуулалт, зураг зүйн газрыг цахим хэлбэрт шилжүүллээ.

Цахим хэлбэрт шилжиж эхэлснээр газар эзэмшигчийн нэр шилжүүлэх, гэрчилгээгээ бусдад шилжүүлэх, гэрчилгээгээ барьцаанд бүртгүүлэх, хугацаа сунгуулах зэрэг өргөдлөө Egazar аппликэйшний тусламжтайгаар илгээх бүрэн боломжтой болжээ.

Мөн газар зохион байгуулалт болон өмчлөлтэй холбоотой мэдээ мэдээллийг egazar.gov.mn-ээс авах боломжтой юм.

Эх сурвалж: ГЗБГГЗГ