/2021.09.13/: Монгол Улсын Ерөнхийлөгч У.Хүрэлсүх цар тахлын улмаас амь насаа алдсан иргэдийн ар гэрийнхэнд эмгэнэл илэрхийллээ.Тэрээр санаачлан “Цар тахлын үеийн эдийн засгийн сэргэлтийг эрчимжүүлэх нь” сэдэвт төр, хувийн хэвшил, хөрөнгө оруулагчдын зөвлөлдөх уулзалтыг зохион байгуулж байгаа юм.
Тэрбээр, Цар тахлын үед галын улаан шугамд ажилласан эмч, ОБЕГ, цагдаагийнхан болон бусад албан хаагчдад нийт ард түмнийхээ өмнөөс баярласан талархснаа илэрхийлэв.
Цар тахлын аюул хэзээ дуусах нь тодорхойгүй байна. Цаашид хэцүү цаг үед олж авсан ололт амжилт, алдаанаасаа суралцан улс орныхоо эдийн засгийг сэргээхэд анхаарах болно гэв.
Тиймээс хувийн хэвшил, бизнэс эрхлэгчдийн тулгамдаж буй асуудлыг шийдвэрлэж, илэн далангүй ярилцаж, дэмжихээ Монгол Улсын Ерөнхийлөгч У.Хүрэлсүх илэрхийллээ.
