/2021.09.13/ Өнөөдрөөс эхлэн 18-аас дээш насныхныг вакцины гуравдугаар тунд хамруулж байна.

3 дахь тунд Файзер, Вероселл вакцин хийлгэх боломжтой юм. Мөн тухайн иргэд вакцины хоёр дахь тунд хамрагдсанаас хойш гурван сарын хугацаа өнгөрсөн байх шаардлагатай.

ЭМЯ-наас "ковид-19"-ын голомтод ажиллаж буй эмч, цагдаа, ОБЕГ-ынхныг гурав дахь тунд хамруулахаар шийдвэрлэснээс хойш өнөөдрийн байдлаар 164 мянган хүн нэмэлт тундаа хамрагдаад байна.

Насанд хүрэгчдийг сайн дурын үндсэн дээр гуравдугаар тунд хамруулах юм.