/2021.09.06/ Гал унтраах техникийн олон төрөлт спортын насанд хүрэгчдийн 16 дахь удаагийн ДАШТ Бүгд Найрамдах Казахстан Улсын Караганда хотын “Шахтер” цэнгэлдэх хүрээлэнд энэ сарын 2-5-ны өдөр боллоо.

Монгол Улсаас ОБЕГ-ын Гал түймэртэй тэмцэх газрын дарга, хурандаа Ц.Нямбаяраар ахлуулсан баг тамирчид амжилттай оролцож, зургадугаар байрт шалгарлаа.

Тус тэмцээнд 14 орны 262 тамирчин довтолгооны шат, саадтай 100 метр, 4х100 метрийн буухиа гүйлт, байлдааны тархалт гэсэн 4 төрлөөр өрсөлдөж, аваргуудаа шалгаруулсан юм.

Эх сурвалж: ОБЕГ