/2021.09.06/ Авлигатай тэмцэх газрын Мөрдөн шалгах хэлтэс энэ оны наймдугаар сарын 30-наас 9 дүгээр сарын 3-ны өдрүүдэд гэмт хэргийн шинжтэй нийт 87 гомдол, мэдээллийг шалгажээ.

Үүнээс 12 гомдол, мэдээлэлд хэрэг бүртгэлтийн хэрэг нээж, 18 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн байна. Одоогоор 56 гомдол, мэдээллийг хянан шалгаж байгаа ажээ.

Өнгөрсөн долоо хоногт эрүүгийн 574 хэрэгт мөрдөн байцаалтын ажиллагаа явуулснаас 10 хэргийг шүүхэд шилжүүлэх, 19 хэргийг хаах, 4 хэргийг харьяаллын дагуу шилжүүлэх саналтай прокурорт шилжүүлж, 3 хэргийг нэгтгэж шалгаж байна. Мөрдөн шалгах ажиллагаанд одоогоор 538 хэрэг шалгагдаж байна.

Эх сурвалж: Авлигатай тэмцэх газар