/2023.03.09/ Цагдаагийн байгууллагад энэ сарын 8-ны өдрийн 12:10 цагт цахилгаанд цохиулсан хүүхэд эмнэлэгт ирээд нас барлаа гэх дуудлага мэдээлэл бүртгэгджээ.
Тодруулбал, тус хэрэг Дорноговь аймгийн Сайншанд суманд гарсан байна. Улмаар тус аймгийн нэгдсэн эмнэлгээс цагдаагийн байгууллагад дуудлага өгчээ. Үүний дагуу хэргийн шалгахад Сайншанд суманд оршин суух хаягтай 14 настай эрэгтэй "Т" гэгч нь уртасгагч залгуурт цэнэглэж байсан гар утсаараа оролдож байгаа тогонд цохиулж нас барсан байжээ. Одоогоор мөрдөн шалгах ажиллагааг явуулж байгаа аж.
