/2022.12.19/: АНЭУ-ын Дубай хотод пара пауэрлифтингийн дэлхийн цомын тэмцээн болж байна.

Энэхүү тэмцээнд Монгол Улсаас гавьяат дасгалжуулагч Д.Баттулгын удирдлага дор Үндэсний шигшээ багийн тамирчин, паралимпын алт, хүрэл, ДАШТ-ий хошой аварга, Хөдөлмөрийн баатар, гавьяат тамирчин Э.Содномпилжээ өрсөлдлөө.

Э.Содномпилжээ 107 кг-ын жинд цээжнээс 250 кг-ыг шахсанаар мөнгөн медаль хүртлээ. Түүний оролцсон жинд Иран улсын тамирчин алтан медаль хүртсэн бол Йордан улсын тамирчин хүрэл медаль хүртэв.

Эх сурвалж: БТСУХ