/2022.12.07/: Өнөөдөр өрнөх онцлох үйл явдлуудыг тоймлон хүргэж байна.

Өнөөдөр улсын хэмжээнд мал, тэжээвэр амьтдын тооллого эхэллээ.

08.30 цагт: МУИС-ийн номын санд “Хотжилт ба хүрээлэн буй орчин-2022” зөвлөлдөх уулзалт болно.

09.00 цагт: “Миллиниум плаза” төвд уламжлалт анагаах ухааны эмч, мэргэжилтнүүдийг чадавхжуулах эмнэлзүйн сургалт болно. Сургалтад 21 аймгийн эрүүл мэндийн байгууллагын уламжлалт анагаах ухааны 250 эмч, мэргэжилтэн, удирдах түвшний менежерүүд хамрагдана.

10:00 цагт: АТГ-аас албан тушаалтны хөрөнгө, орлогын мэдүүлгийн асуудлаар цахим уулзалт хийнэ. Уулзалтын үеэр ХОМ-ийг хэрхэн мэдээлэх, хяналт шалгалтаар илэрдэг нийтлэг зөрчлүүд, үндэслэлгүй хөрөнгөжсөн болон хууль бусаар орлого олж байгаа зарим зөрчлийн талаар ярилцана.

10.00 цагт: Холбооны эрх зүйн байдлын тухай болон Сангийн эрх зүйн байдлын тухай хулийн төслүүдийн талаар олон талт цахим хэлэлцүүлгийг “Глоб интернэшнл төв”, “Монфемнет”, Иргэний нийгмийн боловсрол” ТББ-уудаас зохион байгуулна.

10:00 цагт: Монгол-Солонгосын Политехник Коллежид хэрэгжүүлсэн “Түншлэлд Суурилсан Техникийн Болон Мэргэжлийн Боловсрол, Сургалт” төслийн үр дүнг танилцуулах үйл ажиллагаа болно.

11:00 цагт: ШУТИС-д Б.Дунгаамаагийн "Монгол дээлийн зохион бүтээлт" номын нээлт болно. ШУТИС-ын 8-р байр.

“Жэрэс” ТББ-аас Европын холбооны “Свич- Эшиа” хөтөлбөрийн санхүүжилттэй “Дулаан шийдэл-2” төслийн нээлт болно.