/2022.12.06/ Ерөнхийлөгч У.Хүрэлсүх "УИХ-ыг тараах, Засгийн газрыг огцруулах санал гаргасан" гэх мэдээлэл олон нийтийн сүлжээнд тархаж байна.
Тэгвэл уг асуудалд Ерөнхий сайд Л.Оюун-Эрдэнэ тайлбар хийлээ.
Тэрээр:
-Ерөнхийлөгч УИХ-ыг тараах, Засгийн газрыг огцруулах асуудал яригдаагүй. Сүүлийн үед хэвлэл мэдээллийн хэрэгслээр Ерөнхийлөгч, Ерөнхий сайд хоёр таарамжгүй байна. Намын ерөнхий нарийн бичгийн даргаасаа болж муудалцаж байна. Үе хоорондын ялгаа гараад байна гэх мэдээллүүд гарч байна. Ийм мэдээлэлд итгээд төөрөлддөг байдал өнгөрсөн байна. Тэгэхээр ийм зүйл хийхээ болих хэрэгтэй гэв.
