/2022.12.06/ МАН-ын Удирдах зөвлөл хуралдаж байна. МАН-ын Бага хурал өнөөдөр болох байсан ч тодорхойгүй хугацаагаар хойшлоод буй.
Тэгвэл Удирдах зөвлөлийн хурлаар өнөөдөр товлоод байсан Бага хурлын товыг тогтох, нүүрсний хулгайтай холбоотой асуудлыг хэлэлцэх ажээ.
Түүнчлэн МАН-ын даргын өнгөрсөн нэг жилийн хугацааны улс төрийн илтгэл, Ерөнхий нарийн бичгийн даргын намын үйл ажиллагааны тайлан илтгэл, Хяналтын ерөнхий хорооны мэдээлэл, УИХ-ын дарга Г.Занданшатарын 2023 онд хэрэгжүүлэх эрх зүйн шинэтгэл гэсэн асуудлыг хэлэлцэхээр төлөвлөсөн байна.
