/2022.11.11/ 2023 оны төсөв батлагдсантай холбогдуулан Сангийн сайд Б.Жавхлан хүүхдийн мөнгөний асуудлаар мэдээлэл өглөө.

Тэрээр:

-Энэ оны хувьд хүүхдийн мөнгийг аль болох зорилтот бүлэг рүү буюу илүү хэрэгцээтэй байгаа тэр хэсэг рүү өгөх шинэчлэлийг эхлүүллээ. Өндөр орлоготой хэсэг нь эхнээсээ татгалзаад 90 хувьд нь 100 мянган төгрөгөөр нь олгоно. Ингэснээр өмнөх жилээс 120-оод тэрбум төгрөгөөр багасна. Илүү нийгмийн салбар руугаа зарцуулагдах боломж гарч ирж байна.

ҮСХ-ноос гаргасан мэдээллээр өрхийн орлого дунджаар нийслэлд 1.9 сая , орон нутагт 1.5 сая байна. Дундаж нь 1,7 сая төгрөг гэсэн үг. Харин нийт өрхийн 8.8 хувь нь 3.5 саяас дээш орлоготой байна гэлээ.