/2022.11.11/ Монгол Улсын 2023 оны төсвийг баталсан талаар Төсвийн байнгын хорооны дарга Г.Тэмүүлэн мэдээлэл хийлээ.

Тэрээр:

-Эдийн засгийн хүндрэлтэй байгаа цаг үед тодорхой тэвчиж болох зардлуудыг бууруулж, танах тал дээр ажлын хэсэг анхаарч ажиллалаа. Засгийн газар, УИХ-аас төсвийн алдагдлыг бууруулах шийдвэр гаргасан. Төсвийн тэнцлийг сайжруулсан. Эрчим хүчний тарифын хөнгөлөлт, иргэдийн эрүүл мэндийг хамгаалах, сургууль, цэцэрлэгийн хүртээмжийг нэмэгдүүлэх чиглэлд онцгой анхаарал хандуулж, хэмнэсэн зардлуудаар зохицуулалт хийж асуудлуудаа шийдвэрлэх арга замыг гаргаж ирсэн байгаа.

Энэ удаад төсөв батлах үйл явцад иргэдийн оролцоог хангах эхлэлийг тавилаа. Тиймээс цаашид төсвийг хаалганы цаана хэлэлцэн баталдаг биш, иргэд өөрсдөө оролцдог байх эхлэлийг тавьснаараа онцлог байлаа. 2023 оны төсөв бол эдийн засгийн хүндрэл, учирч болох эрсдэлүүдийг даван туулахад чиглэгдсэн гэв.