/2022.09.21/: Улсын бүртгэлийн байгууллагаас “Нээлттэй өдөрлөг”-ийг 2022 оны есдүгээр сарын 24-ний Бямба гарагийн 10:00-16:00 цагийн хооронд Нийслэлийн 9 дүүргийн Улсын бүртгэлийн хэлтсийн байранд тус тус зохион байгуулах гэж байна.
Иргэд, аж ахуйн нэгж, байгууллагууд энэхүү үйл ажиллагаанд хамрагдсанаар Улсын бүртгэлийн лавлагаа, үйлчилгээ, зөвлөгөө, мэдээ мэдээллийг авах боломжтой.
- Иргэний улсын бүртгэлийн үйлчилгээ
- Эд хөрөнгийн эрхийн улсын бүртгэлийн үйлчилгээ
- Хуулийн этгээдийн улсын бүртгэлийн үйлчилгээ
- Иргэдэд тоон гарын үсэг олгох үйл ажиллагаа
- Цахим машин буюу киоскоор иргэдэд үзүүлэх үйлчилгээ
- Улсын бүртгэлийн лавлагаа үйлчилгээ
- Улсын бүртгэлийн байгууллагын цахим үйлчилгээний талаарх зөвлөгөө, мэдээлэл өгөх
- Үйл ажиллагаа, үйлчилгээний талаарх зөвлөгөө, мэдээлэл өгөх аж.
Эх сурвалж: УБЕГ
