/2022.09.14/ Засгийн газрын хуралдаанаас гарсан шийдвэрийг ЦХХХ-ны сайд Н.Учрал танилцууллаа.

Тэрээр:

-Өнөөдрийн Засгийн газрын хуралдаанаар Цахим хөгжил, харилцаа холбооны яам, түүний харьяа байгууллагууд болон инноваци, технологийн чиглэлээр үйл ажиллагаа явуулдаг компаниудыг Буянт-Ухаа олон улсын нисэх буудал руу нүүлгэн шилжүүлэхээр боллоо. Нүүлгэх ажлыг зохион байгуулах, инновацийн төв болгон өргөжүүлэх үүргийг ЗГХЭГ-ын дарга Д.Амарбаясгаланд даалгасан.

Засгийн газраас төрийн захиргааны байгууллагуудыг хотын төвөөс гаргах, Хөшигийн хөндий рүү шат дараатайгаар шилжүүлэх тогтоол батлагдсан. Тиймээс бид Буянт-Ухаа нисэх буудлын тодорхой хэсэгт ЦХХХЯ, түүний харьяа байгууллагуудыг шилжүүлж байна гэв.