/2022.09.14/ Өнөөдрийн Засгийн газрын хуралдаанаас цементийн гаалийн албан татварыг тэглэх шийдвэр гаргасан юм.

Үүнтэй холбоотойгоор Сангийн сайд Б.Жавхлан:

-Цементийн албан татварыг тэглэж байгаа нь нийтийн болон хэрэглэгчдийн эрх ашгийг хамгаалж байгаа хэрэг гэдгийг хэлмээр байна. Мөн зах зээл дээрх үнийн тогтвортой байдлыг хадгалах үүднээс дээрх шийдвэрийг гаргалаа. Хэрэв цементийн нийлүүлэлт зогсохгүй бол Улаанбаатар-Дархан чиглэлийн хатуу хучилттай замын хөдөлгөөнийг энэ оны аравдугаар сарын 31 гэхэд нээх боломжтой. Энэ боломжийг алдаж болохгүй. Хэрэв үүнийг алдах юм бол бид ахиад 6,7 сар хуучин замаараа явах эрсдэлтэй байна гэлээ.