/2022.09.14/ Засгийн газрын хуралдаанаас гарсан шийдвэрийг танилцуулж байна.

Сангийн сайд Б.Жавхлан:

-Ачаа тээвэр бүрэн зогссон учир зах зээлд цементийн ачаалал үүсэж байна. Үүний улмаас манай улсын томоохон бүтээн байгуулалт болох Улаанбаатар-Дархан чиглэлийн автозам, бусад замын ажлууд бүрэн зогсох эрсдэлтэй байна. Түүнчлэн бусад цемент хэрэглэдэг бүхий л бүтээн байгуулалтын хувьд цементийн үнэ өсөх эрсдэлтэй байна. Тиймээс Засгийн газраас он дуустал цементийн гаалийн албан татварыг тэглэх шийдвэр гаргалаа. Ингэснээр импортын цементээр үнэ өсөж байгаа асуудлыг шийдэх түр зуурын арга хэмжээг авч байна. Цаашид бид дотоодын үйлдвэр, гаалийн албан татварыг дэмжих асуудлыг онцгой анхаарч үзнэ.

Энэ нь хэрэглэгчид болон нийгмийн эрх ашгийг хамгаалж байгаа хэрэг юм гэлээ.