/2022.09.12/: Сэлэнгэ аймгийн Ерөө сумын Бугант тосгоны хиймэл нууранд 1 хүн живсэн гэсэн дуудлагыг өчигдөр Онцгой байдлын газарт иржээ.
Дуудлагын дагуу тус аймгийн Онцгой байдлын газрын Эрэн хайх, аврах анги, цагдаагийн газрын алба хаагчид 167 км замыг туулан очиход алтны уурхайн карьерын хиймэл нууранд компанийн ажилтан Говьсүмбэр аймгийн Шивээговь сумын харьяат Б 25 настай, эрэгтэй живсэн байсан тул эрэн хайх ажиллагааг эхлүүлсэн байна.
Эх сурвалж: ОБЕГ
