/2021.08.19/ Эмэгтэйчүүдийн 50 кг-ын жингийн хагас шигшээ барилдаан өчигдөр болж Б.Энхзул алтан медалийн төлөө хүч үзэхээр болжээ.

Тэрбээр, хагас шигшээд Туркийн тамирчин Зехра Демирханыг 9:4 харьцаагаар ялсан байна.

Б.Энхзул нь Азийн АШТ-ээс мөнгө, хүрэл медаль хүртэж байсан юм. Мөн "Буэнос-Айрес-2018” залуучуудын олимпийн наадамд оролцож байжээ.

Эмэгтэйчүүдийн 50, 55, 59, 68, 76 кг-ын жингийн урьдчилсан болон хагас шигшээ барилдаан ийнхүү өчигдөр болж манай тамирчин алтан медалийн төлөө өнөөдөр буюу энэ сарын 19-ны өдөр барилдахаар боллоо.

Бөхийн төрлүүдийн 2021 оны залуучуудын ДАШТ даваа гаригт ОХУ-ын Уфа хотод эхэлсэн билээ.