Дэнс.мн сайтын сэтгүүлч Т.Шинэбаярыг ЕТГ-ын Хэвлэл мэдээллийн албаны дарга Ц.Ганзоригийн гаргасан гомдлын дагуу өнгөрсөн бямба гарагт 48 цагийн хугацаатай баривчилсан бөгөөд прокурорын саналын дагуу даваа гарагаас эхлэн 30 хоногийн хугацаатай цагдан хорьж байсан билээ.

Уг шийдвэрийг эсэргүүцэж, Т.Шинэбаяр болон түүний өмгөөлөгч ерөнхий шүүгчид гомдол гаргасан. Гомдлын дагуу Дүүргийн эрүү, иргэний хэргийн хялбар ажиллагааны шүүх хэлэлцэж, Т.Шинэбаярыг цагдан хорьсон шүүгчийн захирамжийг хүчингүй болгож, түүнийг суллажээ.