БНСУ-ын Чонан хотын орон сууцны хороололд нүүлгэлтийн зориулалттай шаттай машин хажуу тийшээ унаж, 7 настай хүүхэд дарагдан амиа алдсан харамсалтай хэрэг гарчээ.
Осол өнгөрөгч наймдугаар сарын 26-нд болсон бөгөөд тухайн үед нүүлгэлтийн машины шат 11 давхрын өндөрт хүртэл сунгагдсан байжээ. Гэвч машиныг тогтвортой барих зориулалттай дөрвөн тулгуураас хоёрхон тулгуур ашигласны улмаас шат хазайж, ойролцоох хүүхдийн тоглоомын талбай руу унасан байна.
Цагдаагийн шалгалтаар тухайн ажлыг 50 гаруй насны жолооч болон 20 гаруй насны хууль бусаар оршин сууж байсан монголын иргэн хамт гүйцэтгэж байсаныг тогтоожээ. Улмаар цагдаагийн байгууллагаас уг хоёр хүнийг баривчлах хүсэлт гаргасан байна.
Н.Ука
