2026-2027 оны хичээлийн шинэ жилд Ерөнхий боловсролын сургуулиудын гэрийн даалгаврын талаар баримтлах чиглэлийг баталжээ.

Гэрийн даалгавар бол хичээлээр эзэмшсэн мэдлэг, чадварыг бататгах, гүнзгийрүүлэх, бие даан суралцах чадварыг хөгжүүлэхэд нөлөө үзүүлдэг. Гэхдээ хэт их ачаалалтай гэрийн даалгавар нь хүүхдүүдийн нас, хөгжлийн онцлогт тохирохгүй байгаа нь сургалтын үр дүнд сөргөөр нөлөөлдөг болсон.

Иймд сургалтын зориулалт болон хүрэх үр дүнгээс хамааран гэрийн даалгаврын төрөл, түвшин, нэг өдөрт өгөх гэрийн даалгаврын дээд хугацааг анги, насны онцлогооос хамааран ялгаатайгаар тогтоож өгөх талаарх тушаалийг баталж, өмчийн бүх хэлбэрийн Ерөнхий боловсролын сургуулиудын захирал болон багш нарт мэргэжил арга зүйгээр хангах үүрэг даалгавар өгчээ.