Авлигын эсрэг сургалтад 1898 иргэн, албан тушаалтныг хамруулав
Шуурхай мэдээ
 

Авлигын эсрэг сургалтад 1898 иргэн, албан тушаалтныг хамруулав

/2024.06.20/

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2024 оны 6 дугаар сарын 10-14-ний өдрүүдэд авлигын шалтгаан, нөхцөлийг арилгах чиглэлээр газрын салбарын албан хаагчдын ёс зүйн болон хүнд сурталд хамаарах асуудлаар Нийслэлийн Газар зохион байгуулалтын алба болон 9 дүүргийн Газар зохион байгуулалтын албаны нийт 11 байгууллага, Өргөн нэвтрүүлэг хөгжүүлэх сангийн үйл ажиллагаатай холбогдуулан Цахим хөгжил, харилцаа холбооны яаманд, стандарт боловсруулах, батлуулах үйл ажиллагаанд холбогдуулан Стандарт хэмжил зүйн газарт тус тус албан зөвлөмж хүргүүлэв.

Түүнчлэн “Монгол Улсын виз, оршин суух зөвшөөрөл олгох, виз, оршин суух зөвшөөрлийн хүсэлтийг хянах, бүртгэх, үйлчилгээ үзүүлэхэд хураах тэмдэгтийн хураамж, визийн үйлчилгээний хөлсний хэмжээ тогтоох” тогтоол, эрчим хүчний салбарт төсвийн хөрөнгөөр санхүүжиж буй төсөл, арга хэмжээний хэрэгжилт, барилгын норм, нормативын санд орлого төвлөрүүлэх, барилгын тусгай зөвшөөрөл сунгахад компаниудын тайланд үндэслэж бодитой тооцоо хийдэг эсэх, гэр хорооллын дахин төлөвлөлтийн хүрээнд “Ногоон нуур” орчмын 1008 айлын орон сууцны хотхон төслийн явцын ил тод байдал зэрэг асуудлаар дүн шинжилгээ хийж байна.

Авлигын эсрэг хуульд заасан бүрэн эрхийн хүрээнд төрийн үйлчилгээний хүнд суртлыг бий болгоод зогсохгүй цаашлаад авлигын гэмт хэрэг, зөрчил гарах эрсдэлийг дагуулж болзошгүй “Өргөө” амаржих газрын удирдлагаас үндэслэлгүй тогтоосон төлбөртэй үйлчилгээний журмыг хүчингүй болгуулахаар ажиллав.

Авлигын эсрэг сургалтад 1898 иргэн, албан тушаалтныг хамруулж зохион байгуулсан байна.

Эх сурвалж АТГ

Л.Оюун-Эрдэнэ: “Ард түмэн нэгдмэл бас хүчтэйг харуулахын тулд дарханчууд та бүхэн Ерөнхий сайдын багийг багаар нь дэмжээрэй”
Л.Оюун-Эрдэнэ: “Ард түмэн нэгдмэл бас хүчтэйг харуулахын тулд дарханчууд та бүхэн Ерөнхий сайдын багийг багаар нь дэмжээрэй”
 
“Орчин цагийн төв банк: Сорилт ба хэтийн төлөв” сэдэвт олон улсын дээд хэмжээний хурал эхэллээ
“Орчин цагийн төв банк: Сорилт ба хэтийн төлөв” сэдэвт олон улсын дээд хэмжээний хурал эхэллээ
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.