/2023.12.20/: Япон Улсын виз мэдүүлгийн төв нээгдэж буйтай холбогдуулан 12 дугаар сарын 14-ний өдөр Элчин сайд М.Игавахара тус төвийн үйл ажиллагаатай танилцсан юм.
Тус төвийн дарга Элчин сайд М.Игавахарад виз мэдүүлгийн үйл явц болон виз мэдүүлэгчийн хувийн мэдээллийн хяналтын системийн талаар танилцуулав.
Мөн Элчин сайд М.Игавахара тус төвийн нээлтийн бэлтгэл ажлыг хангахад хүчин зүтгэл гаргасан тус төвийн хамт олонд талархал илэрхийлэв.
12 дугаар сарын 15-ний өдрөөс эхлэн тус төвд виз мэдүүлгийн материалыг хүлээн авч эхэлсэн байна.
Эх сурвалж: Япон улсын ЭСЯ
