/2023.10.30/: Сүхбаатар аймаг, Эрдэнэцагаан сум Нүхт гэдэг газарт өчигдөр хээрийн түймэр гарчээ.

Уг гал түймрийг унтраахаар тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчид сумын мэргэжлийн ангитай хамтран 2 цаг 30 минут ажиллаж бүрэн унтраасан байна.

Уг гал түймэрт тус сумын Хөндлөн хайлааст багийн малчин О-ийн хаваржаа, өвөлжөө, намаржаа, 20 тонн өнжмөл өвс болон нийт 600 га орчим талбай өртөж шатсан.