/2023.10.16/: Нийслэлийн ерөнхий боловсролын 33-р сургуулийн орчинд үйл ажиллагаа явуулж байгаа 14 караоке, диско бар, шөнийн цэнгээний газрын тусгай зөвшөөрлийг хүчингүй болгуулах зорилготой ХҮҮХДИЙН ЭРХ хамгаалах оюутнуудын нийтийн эрх ашгийн өмгөөллийн төслийн хөтөч хуулийн фирмээр ажиллаж байна.
Төслийн хүрээнд хөндөгдөж буй үндсэн асуудлын зорилго, агуулга, бодит байдлыг камерын дуранд буулгасан СУРГУУЛИЙН ОРЧНООС СУРГАЛТЫН ЧАНАР ТӨСӨЛ-ийн гэрэл зургууд Монументаль арт галерейд үзэсгэлэнд дэлгэгджээ.
Төсөл хэрэгжүүлэгч Альфа баг нь МУИС-Хууль зүйн сургуулийн оюутан Б.Гэрэлт-Од, Х.Мичидмаа, Ш.Ичинхорлоо, П.Анарзаяа, Т.Мөнхзаяа нарын бүрэлдэхүүнтэй байгаа аж.
Уг төслийг дэмжигч, зохион байгуулагчаар "Хил Хязгааргүй Хуульчид" ТББ ажиллаж байна.
Эх сурвалж: "Хил Хязгааргүй Хуульчид" ТББ
