/2023.08.31/: Архангай аймаг, Тариат суманд нуурын усанд 2 зорчигчтой “Портер" загварын ачааны автомашин живсэн тухай дуудлага өчигдөр өдрийн 10:02 цагт Онцгой байдлын газарт иржээ.
Дуудлагын дагуу тус аймгийн Онцгой байдлын газрын Тариат сум дахь Эрэн хайх, аврах бүлгийн алба хаагчид 55 км замыг туулан 11:30 цагт очиход тус сумын харьяат иргэн Г, Г нар “Портер” загварын ачааны автомашинтай зорчиж яваад “Ногоон” нуурын усанд живсэн байжээ.
Эрэн хайх ажиллагааг зохион байгуулж, мөн өдрийн 12:02 цагт малчин Г 38 настай, эмэгтэйн цогцсыг нуурын 1.5 метрийн гүнээс, автомашиныг нуурын 4 метрийн гүнээс олж, татан гаргахад автомашины бүхээг дотор иргэн Г 38 настай, эрэгтэйн цогцос байсныг тус тус гарган Тариат сум дахь Цагдаагийн тасгийн зохицуулагчид шилжүүлэн өгсөн байна.
Эх сурвалж: ОБЕГ
