/2023.08.29/: Өнгөрсөн ням гарагт Дархан-Уул аймгийн Орхон сумын “Шарын дэрсний гүүр” гэдэг газар “Шар”-ын голын усанд 3 хүн сэлэхээр ороод 1 хүн нь живсэн тухай дуудлагыг наймдугаар сарын 23-ны өдөр Онцгой байдлын газарт иржээ.

Дуудлагын дагуу тус аймгийн Онцгой байдлын газрын Эрэн хайх, аврах анги, Сэлэнгэ аймгийн Онцгой байдлын газар, Цагдаагийн газрын алба хаагчид иргэн М 47 настай, эрэгтэйг эрэн хайх ажиллагааг наймдугаар сарын 26-ны өдөр зохион байгуулж, мөн өдрийн 12:10 цагт осолдсон газраас хойд зүгт 19 км-т, Сэлэнгэ аймгийн Шаамар сумын “Цагаандаваа” гэдэг газарт “Орхон” голын усны мандлаас цогцсыг олж, гарган Дархан-Уул аймгийн Цагдаагийн газрын мөрдөгчид шилжүүлэн өгсөн байна.

Эх сурвалж: ОБЕГ