/2023.08.28/: Шөнийн цагаар ганцаараа явж байгаа иргэдийг хүчээр автомашиндаа суулган, харанхуй эзэнгүй газар аваачиж зодож, хутга тулган дээрэмдэх гэмт хэрэг үйлддэг бүлэг этгээдийг энэ сарын 26-27-нд шилжих шөнө баривчилжээ.

Тэднийг баривчлах үед хулгайн тээврийн хэрэгсэлтэй явж байсан бөгөөд хэргийг 17-23 насны Т, Б, Т, Н, Г нар үйлддэг байсан аж.

Дээрх этгээдүүд нь урьдчилсан байдлаар 4 удаагийн дээрэмдэх гэмт хэрэг үйлдсэн болох нь тогтоогдсон ба зарим нь удаа дараа ял шийтгэгдэж байжээ.

Иймд иргэд та бүхэн хувийн аюулгүй байдалдаа анхаарч гэрэлтүүлэггүй гудамж, талбай, газраар зорчихгүй байх, баталгаат такси үйлчилгээгээр үйлчлүүлэх зэргээр болзошгүй аюулаас урьдчилан сэргийлэхийг цагдаагийн байгууллагаас сэрэмжлүүлж байна.