/2023.08.10/: Мьянмарын эргээс даваа гарагт гарсан хөлөг онгоц хөмөрсний дараа 17 хүний цогцсыг нутгийн аврах албаныхан олсон гэж албаны хүмүүс мэдэгджээ.
Амиа алдагсдын дунд 10 эмэгтэй, долоон эрэгтэй байсан бөгөөд бүгдээрээ лалын шашинт рохинжа шашинтнууд байсан гэж Шве Яун Матта сангийн аврах бүлгийн хэвлэлийн төлөөлөгч Бя Латт мэдэгдэв.
Эмгэнэлт явдал Ракхайн мужийн нийслэл Ситве хотын ойролцоо болжээ.
Хөлөг онгоцны ослоос найман хүн амьд үлдсэн бөгөөд одоогоор орон нутгийн цагдаагийн газарт хоригдож байгаа аж.
Ситтве хотын цагдаагийн албаны хүн CNN-д мэдээлснээр завинд 58 хүн зорчиж явсан байна.
Орон нутгийн цагдаа болон аврах албаны хамтарсан аврах ажиллагаа үргэлжилж байгаа бөгөөд 33 хүн сураггүй хэвээр байна.
Рохинжа бол Буддын шашинтай Мьянмар улсын лалын цөөнх бөгөөд тэднийг дэлхийн хамгийн их хавчигдаж байгаа хүмүүсийн тоонд багтдаг гэж хүний эрхийг хамгаалагчид үздэг юм.
Тэд олон арван жилийн турш хүчирхийлэл, гадуурхалт, хавчлагад өртдөг тул хэдэн үеэрээ тус улсад амьдарч байсан ч иргэний харьяаллаас татгалзаж байгаа аж.
2017 оны наймдугаар сард Ракхайн мужид хүчирхийллийн давалгаа дэгдэж, 700 мянга гаруй хүн хөрш Бангладеш руу дүрвэхээс өөр аргагүйд хүрснээс хойш түүхэн олныг хамарсан дүрвэлт эхэлжээ.
Эх сурвалж: CNN
