/2023.08.07/: Сонгинохайрхан дүүргийн 40 дүгээр хорооны 640 суудалтай сургуулийн шинэ барилга ашиглалтад орлоо.

АХБ-ны санхүүжилтээр БШУЯ-ны хэрэгжүүлж буй "Эдийн засгийн хүндрэлийн үед боловсролын чанар, хүртээмжийг сайжруулах" төслийн хүрээнд нийслэлийн Сонгинохайрхан дүүргийн 40 дүгээр хорооны 640 суудалтай сургуулийн шинэ барилга нь 4 блокоос бүрдэх бөгөөд А блок нь 4 давхар, В блок нь зоорьтой, 3 давхар, С блок нь 3 давхар, D блок нь 1 давхар.

Спорт заал, урлагийн цогц танхим бүхий барилгыг ашиглалтад оруулах комисс 2023 оны 7 дугаар сарын 31-ний өдөр ажиллалаа.

Тус 640 суудалтай сургуулийн шинэ барилгын зураг төслийг "Криетив монголиа" ХХК боловсруулж, барилга угсралтын ажил "Би Энд Би Констракшн" ХХК 24 сарын хугацаанд гүйцэтгэсэн.

Эх сурвалж: БЕГ