/2023.08.08/ Нийслэлийн цэцэрлэгүүдийн бүртгэл өнөөдрөөс эхлэн Е-mongolia флатпормоор явагдаж эхэлсэн.
Өнөөдрийн байдлаар E Mongolia системээр дамжуулан 64860 хүүхэд цэцэрлэгийн бүртгэлд хамрагдаад байна. Бүртгэл энэ сарын 20-ны өдрийг дуустал үргэлжилнэ.
Хэрвээ таны хүүхэд 2018-2021 оны хооронд төрсөн бол цэцэрлэгт хамрагдах боломжтой ба шинээр хүсэлт илгээх шаардлагатай. Харин үргэлжлүүлэн явах гэж байгаа бол үргэлжлүүлэн явах хүсэлтийг мөн e-mongolia флатпормыг ашиглан заавал илгээх шаардлагатай ба аль ч тохиолдолд оршин суугаа хаягийн бүртгэлээ хянаж баталгаажуулсан байх хэрэгтэй юм.
Хүсэлт илгээхдээ эцэг, эхийн аль нэг нь илгээх боломжтой бөгөөд хүүхэд тань цэцэрлэгт хуваарилагдсан эсэх мэдээлэл наймдугаар сарын 21-ээс 25-ны хооронд таны бүртгүүлсэн дугаарт мессежээр очих болно.
Эх сурвалж: БШУЯ
