/2023.07.20/: Энэ зун бороо ихтэй байгаагаас улсын хэмжээнд бараг бүх гол үерийн түвшинг даваад байгаа хэдий ч иргэд амарч зугаалах үеэрээ усанд осолдох тохиолдол гарсаар байна.

Тэгвэл өнөөдрийн байдлаар Онцгой байдлын албанаас голын усанд осолдсон таван иргэнийг эрэн хайх ажиллагаа үргэлжилж байна.

Тодруулбал Булган аймагт 1, Дорнод аймагт 2, Хөвсгөл аймагт 1, Улаанбаатар хотод нэг нийт дөрвөн цэгт Онцгой байдлын байгууллагын алба хаагчид эрлийн ажиллагааг зохион байгуулж байгаа аж.

Иймд иргэдийг амарч зугаалахдаа голд орохгүй байх, бага насны хүүхдийг хараа хяналтгүй голын ойр орчимд тоглуулахгүй байхыг анхааруулж байна.